തൃശൂര്‍: ഗുരുവായൂര്‍ ശ്രീ കൃഷ്ണ ക്ഷേത്രത്തിലെ ഡിസംബര്‍ മാസത്തെ ഭണ്ഡാരം എണ്ണലില്‍ ലഭിച്ചത് 4,98,14,314 രൂപയാണ് കൂടാതെ, 9.980 കിലോഗ്രാം വെള്ളി,1.795 കിലോഗ്രാം സ്വര്‍ണവും ഭണ്ഡാരത്തിൽ നിന്ന് ലഭിച്ചു. കൂടാതെ കേന്ദ്ര സര്‍ക്കാര്‍ പിന്‍വലിച്ച രണ്ടായിരം രൂപയുടെ 20 നോട്ടുകളും നിരോധിച്ച ആയിരം രൂപയുടെ ആറും അഞ്ഞൂറിന്റെ 38 കറന്‍സിയും ലഭിച്ചു.സി.എസ്.ബി ഗുരുവായൂര്‍ ശാഖയ്ക്കായിരുന്നു ഇത്തവണ എണ്ണല്‍ ചുമതല. ക്ഷേത്രം കിഴക്കേ നടയിൽ സ്ഥാപിച്ചിട്ടുള്ള ഇ ഭണ്ഡാരം വഴി 3,11,665 രൂപയും. പടിഞ്ഞാറെ നടയിലെ ഇ ഭണ്ഡാരം വഴി 44,797 രൂപയും ലഭിച്ചതായ് റിപ്പോർട്ട്.
