വി.ഡി. സവർക്കറെ അപമാനിച്ചെന്നാരോപിച്ച് കോൺഗ്രസ് എം.പി. രാഹുൽ ഗാന്ധിക്കെതിരെ സമർപ്പിച്ച മാനനഷ്ടക്കേസിൽ നിർണായക വഴിത്തിരിവ്. കേസിന് തെളിവായി കോടതിയിൽ സമർപ്പിച്ച സീൽ ചെയ്ത കവറിനുള്ളിലെ സിഡിയിൽ യാതൊരു വിവരവുമില്ലെന്ന് (ശൂന്യം) കണ്ടെത്തി. ഇതോടെ, കേസിന്റെ വിശ്വാസ്യത ചോദ്യം ചെയ്യപ്പെട്ടു. യൂട്യൂബ് ലിങ്ക് തെളിവായി സ്വീകരിക്കണമെന്ന സവർക്കറുടെ കൊച്ചുമകന്റെ അഭിഭാഷകന്റെ ആവശ്യം ഇന്ത്യൻ എവിഡൻസ് ആക്ട് 65-B പ്രകാരം കോടതി തള്ളി. മതിയായ തെളിവുകൾ ഇല്ലാത്ത സാഹചര്യത്തിൽ രാഹുൽ ഗാന്ധിക്ക് ഇത് വലിയ ആശ്വാസമാണ് നൽകുന്നത്.
