ഇന്ത്യൻ ക്രിക്കറ്റ് ടീം നായകൻ ശുഭ്മൻ ഗില്ലിനെതിരെ വിമർശനങ്ങൾ ഉയർന്നുവരുന്നതിനിടെ, മുൻ ഇന്ത്യൻ ക്യാപ്റ്റൻ കപിൽ ദേവ് താരത്തിന് പിന്തുണയുമായി രംഗത്തെത്തി. നിലവിലെ പരമ്പരയിലെ ഇന്ത്യയുടെ പ്രകടനത്തെച്ചൊല്ലി ഗില്ലിനെതിരെ രൂക്ഷമായ വിമർശനങ്ങൾ ഉയർന്നിരുന്നു. തെറ്റുകൾ സ്വാഭാവികമാണെന്നും പുതിയ ടീം താളം കണ്ടെത്താൻ സമയമെടുക്കുമെന്നും കപിൽ ദേവ് അഭിപ്രായപ്പെട്ടു. ബുംറയെയും യുവതാരം അൻഷുൽ കാംബോജിനെയും അദ്ദേഹം അഭിനന്ദിച്ചു. ഇംഗ്ലണ്ടിനെതിരായ നാലാം ടെസ്റ്റിൽ ഇന്ത്യ ശക്തമായ തിരിച്ചുവരവ് നടത്തുന്നതിനിടെയാണ് ഈ പിന്തുണ.
