ശുഭ്മാൻ ഗില്ലിന്റെ നായകത്വത്തിൽ ഇംഗ്ലണ്ടിനെ തകർത്ത് പരമ്പര സമനിലയിലാക്കി. ഓവൽ ടെസ്റ്റിൽ ആവേശം നിറഞ്ഞ പോരാട്ടത്തിനൊടുവിൽ ഇംഗ്ലണ്ടിനെ കീഴടക്കി ഇന്ത്യ ചരിത്രവിജയം നേടി. 5 മത്സരങ്ങളടങ്ങിയ പരമ്പര 2-2 ന് സമനിലയിലാക്കിയ ഇന്ത്യ, തോൽവിയിൽ നിന്ന് ഫീനിക്സ് പക്ഷിയെപ്പോലെ പറന്നുയർന്നു. മുഹമ്മദ് സിറാജിന്റെയും പ്രസിദ് കൃഷ്ണയുടെയും തകർപ്പൻ ബൗളിംഗ് പ്രകടനമാണ് ഇന്ത്യക്ക് വിജയം സമ്മാനിച്ചത്.
