ഇന്ത്യയിലേക്ക് മടങ്ങിയെത്തുമ്പോൾ കൈവശം വെക്കാവുന്ന സാധനങ്ങളുടെ അളവ്, അവയുടെ മൂല്യം, നൽകേണ്ടി വരുന്ന നികുതി എന്നിവയെക്കുറിച്ച് കൃത്യമായ ധാരണയില്ലാത്തത് പലപ്പോഴും വിമാനത്താവളങ്ങളിൽ വലിയ ബുദ്ധിമുട്ടുകൾക്ക് കാരണമാകാറുണ്ട്. ഈ സാഹചര്യത്തിലാണ് 2016-ലെ കസ്റ്റംസ് ബാഗേജ് റൂൾസ് പരിഷ്കരിച്ചുകൊണ്ട് കേന്ദ്ര സർക്കാർ പുതിയ ഉത്തരവുകൾ പുറപ്പെടുവിച്ചിരിക്കുന്നത്. യാത്രക്കാർക്ക് കൂടുതൽ ആശ്വാസം നൽകുന്ന രീതിയിലാണ് ഈ നിയമങ്ങളിൽ മാറ്റം വരുത്തിയിരിക്കുന്നത്.
