കോട്ടയം: മുറിഞ്ഞപുഴയിൽ വള്ളം മറിഞ്ഞ അപകടം കാണാതായ യുവാവിന്റെ മൃതദേഹം കണ്ടെത്തി. പാണാവള്ളി സ്വദേശി കണ്ണൻ എന്ന സുമേഷിന്റെ മൃതദേഹമാണ് തീരത്തടിഞ്ഞ് കഴിഞ്ഞ ദിവസമാണ് പാണവള്ളിയിൽ നിന്നും കാട്ടിക്കുന്നിൽ സംസ്ക‌ാര ചടങ്ങിൽ എത്തിയവർ സഞ്ചരിച്ച വള്ളം മറിഞ്ഞ് അപകടമുണ്ടായത്.
23 പേരായിരുന്നു വള്ളത്തിൽ ഉണ്ടായിരുന്നത്. ഇതിൽ 22 പേരെയും രക്ഷപ്പെടുത്തിയിരുന്നു. കാണാതായ സുമേഷിനായി പ്രദേശത്ത് രണ്ട് ദിവസമായി തിരച്ചിൽ നടക്കുകയായിരുന്നു. വള്ളം മറിഞ്ഞപ്പോൾ അഞ്ച് പേരെ രക്ഷപ്പെടുത്തി സുമേഷ് കരക്കെത്തിച്ചിരുന്നു. സുമേഷ് പിടിച്ചുനിന്നിരുന്ന പലക ഉൾപ്പടെ ഒലിച്ചുപോയിരുന്നതായാണ് വിവരം.
