ദില്ലി : അസമിൽ ശക്തമായ ഭൂചലനം. റിക്ടർ സ്കെയിലിൽ 5.9 തീവ്രത രേഖപ്പെടുത്തിയ ഭൂചലനത്തിന്റെ പ്രഭവകേന്ദ്രം ഗുവാഹത്തിയിലെ ധേക്കിയജുലിക്ക് സമീപമാണെന്ന് അധികൃതർ പറഞ്ഞു. ഇന്ന് ഉച്ചയോടെയാണ് സംഭവം. അസമിലെ ഭൂചലനത്തിന്റെ പ്രകമ്പനം ഭൂട്ടാനിലും വടക്കൻ ബംഗാളിലും അനുഭവപ്പെട്ടു. അതേസമയം, ആളപായമോ കാര്യമായ നാശനഷ്ടങ്ങളോ റിപ്പോർട്ട് ചെയ്തിട്ടില്ല. സ്ഥിതിഗതികൾ വിലയിരുത്തി വരികയാണെന്ന് അധികൃതർ അറിയിച്ചു.
