കൊല്ലം : കടയ്ക്കലിൽ വീട്ടിനുള്ളിൽ അതിക്രമിച്ചു കയറി യുവതിയെ ഉപദ്രവിച്ച പ്രതിയെ പോലീസ് പിടികൂടി. പടിഞ്ഞാറേ വയല അജ്മൽ മൻസിലിൽ സുലൈമാൻ (53) ആണ് അറസ്റ്റിലായത്. ഇക്കഴിഞ്ഞ ബുധനാഴ്ച രാത്രി എട്ട് മണിയോടെയായിരുന്നു സംഭവം. യുവതി വീട്ടിൽ തനിച്ചായിരുന്ന സമയത്താണ് മദ്യപിച്ചെത്തിയ സുലൈമാൻ വീട്ടിനുള്ളിൽ അതിക്രമിച്ചു കയറിയത്.
തുടർന്ന് യുവതിയെ ലൈംഗികമായി ഉപദ്രവിക്കാൻ ശ്രമിച്ചു. യുവതി ബഹളം വച്ചതിനെ തുടർന്ന് സുലൈമാൻ ഓടി രക്ഷപ്പെട്ടു. യുവതിയുടെ ഭർത്താവും ബന്ധുക്കളും ചേർന്ന് കടക്കൽ പൊലീസിൽ പരാതി നൽകി. വയല ഭാഗത്തുനിന്നും പ്രതിയെ കടയ്ക്കൽ പോലീസ് തന്ത്രപരമായി പിടികൂടി. കോടതിയിൽ ഹാജരാക്കിയ സുലൈമാനെ റിമാൻഡ് ചെയ്തു.
