ആലപ്പുഴ : ആലപ്പുഴയിലെ അമ്മത്തൊട്ടിലിൽ ഒരു പുതിയ അതിഥി കൂടി എത്തി. മൂന്ന് ദിവസം മാത്രം പ്രായമുള്ള ആൺകുഞ്ഞിനെയാണ് അമ്മത്തൊട്ടിലിൽ ലഭിച്ചത്. അന്തരിച്ച മുൻ മുഖ്യമന്ത്രി വി എസ് അച്യുതാനന്ദന്‍റെ സ്മരണാർത്ഥം കുരുന്നിന് അച്യുത് എന്ന് പേരിട്ടു. കുഞ്ഞിന് ആരോഗ്യപ്രശ്‌നങ്ങളൊന്നും ഇല്ല. കുഞ്ഞ് ബീച്ചിലെ വനിതാ ശിശു ആശുപത്രിയിൽ നിരീക്ഷണത്തിലാണ്.
കഴിഞ്ഞ ബുധനാഴ്ചയും ആലപ്പുഴ അമ്മത്തൊട്ടിലിൽ ഒരു പെൺകുഞ്ഞിനെ ലഭിച്ചിരുന്നു. വിജയദശമിയോട് അനുബന്ധിച്ച് ആ കുഞ്ഞിന് വീണ എന്നും പേരിട്ടു. സെപ്റ്റംബർ 18-ന് തിരുവനന്തപുരം അമ്മത്തൊട്ടിലിലും ഒരു ആൺകുഞ്ഞിനെ ലഭിച്ചിരുന്നു. നാല് ദിവസം മാത്രം പ്രായമുള്ള കുഞ്ഞിന് മുകിൽ എന്നാണ് പേരിട്ടത്. തിരുവനന്തപുരം അമ്മത്തൊട്ടിലിൽ ഈ വർഷം മാത്രം ലഭിക്കുന്ന 12-ാമത്തെ കുഞ്ഞാണിത്.
