കൊച്ചി: കൊച്ചിയിൽ അമീബിക് മസ്തിഷ്കജ്വരം (Amoebic Meningoencephalitis) സ്ഥിരീകരിച്ച ലക്ഷദ്വീപ് സ്വദേശി രോഗമുക്തി നേടി ആശുപത്രി വിട്ടു. ഇടപ്പള്ളിയിൽ ജോലി ചെയ്യുന്ന ഇദ്ദേഹത്തിന്, രോഗം സ്ഥിരീകരിച്ചതിനെത്തുടർന്ന് കൊച്ചിയിലെ സ്വകാര്യ ആശുപത്രിയിൽ തീവ്ര ചികിത്സ നൽകിയിരുന്നു.
ആശുപത്രി അധികൃതർ അറിയിച്ചതനുസരിച്ച്, ചികിത്സയ്ക്ക് ശേഷം വ്യക്തിയുടെ ആരോഗ്യനില പൂർണ്ണമായും തൃപ്തികരമാണ്. ഇദ്ദേഹത്തിന് സ്ഥിരീകരിച്ചിരുന്നത് അമീബിക് മസ്തിഷ്കജ്വരത്തിന്റെ രണ്ടാം വകഭേദമാണ്. നിലവിൽ, ആശുപത്രി വിട്ടെങ്കിലും ഇദ്ദേഹം സ്വകാര്യ ആശുപത്രിയിലെ ഡോക്ടറുടെ നിരീക്ഷണത്തിൽ തുടരും.
