തിരുവനന്തപുരം : പരാതിക്കാരിയുടെ സൈബർ അധിക്ഷേപ കേസിൽ രാഹുൽ ഈശ്വർ പോലീസ് കസ്റ്റഡിയിൽ. ചോദ്യം ചെയ്യാനായി വിളിപ്പിച്ച ശേഷമാണ് സൈബർ പോലീസ് അദ്ദേഹത്തെ കസ്റ്റഡിയിൽ എടുത്തത്. തുടർന്ന് രാഹുൽ ഈശ്വറെ പോലീസ് ക്യാമ്പിലേക്ക് മാറ്റി.
പരാതിക്കാരി നൽകിയ പരാതിയുടെ അടിസ്ഥാനത്തിലാണ് രാഹുൽ ഈശ്വറിനെതിരെ നടപടി. രാഹുൽ ഈശ്വർ ഉൾപ്പെടെ നാല് പേരുടെ യുആർഎൽ ആണ് പരാതിക്കാരി പോലീസിന് സമർപ്പിച്ചത്. സന്ദീപ് വാര്യരുടേയും രണ്ടു വനിതകളുടേയും യുആർഎൽ ഉൾപ്പെടെ നൽകിയ പരാതിയിലാണ് പൊലീസിൻ്റെ നിർണായക നീക്കം.
