കണ്ണൂർ : പിക്കപ്പ് ലോറിയും സ്കൂട്ടറും കൂട്ടിയിടിച്ച് പെയിന്റിങ് തൊഴിലാളിക്ക് ദാരുണാന്ത്യം.തൃക്കരിപ്പൂർ സ്വദേശി ടി.വി. സുകേഷ് (38) ആണ് മരിച്ചത്. ഞായറാഴ്ച രാത്രി 12 മണിയോടെ പയ്യന്നൂർ ബി.കെ.എം. ജംഗ്ഷന് സമീപമായിരുന്നു അപകടം.
പയ്യന്നൂരിൽ നിന്ന് തൃക്കരിപ്പൂർ ഭാഗത്തേക്ക് സ്കൂട്ടറിൽ പോവുകയായിരുന്ന സുകേഷ് എതിരെ വന്ന പിക്കപ്പ് ലോറിയുമായി കൂട്ടിയിടിക്കുകയായിരുന്നു.ഗുരുതരമായി പരിക്കേറ്റ സുകേഷിനെ ഉടൻ തന്നെ പരിയാരം ഗവൺമെന്റ് മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
