തൃശൂർ: തൃശൂർ ജില്ലയിലെ മേലടൂരിൽ വെച്ച് ഓടിക്കൊണ്ടിരുന്ന ബസിൽ നിന്ന് ചാടിയ യാത്രക്കാരന് ഗുരുതരമായി പരിക്കേറ്റു. വ്യക്തിയെ തിരിച്ചറിഞ്ഞിട്ടില്ല.അന്നമനടയിൽ നിന്നും തൃപ്രയാറിലേക്ക് പോവുകയായിരുന്ന സ്വകാര്യ ബസ് മേലടൂരിലെ പുറക്കുളം സ്റ്റോപ്പിന് സമീപത്തുനിന്നാണ് വീണ്ടും മുന്നോട്ടെടുത്തത്.
ഈ സമയത്താണ് സീറ്റിൽ നിന്നും എഴുന്നേറ്റ ഒരു യാത്രക്കാരൻ കാരണമെന്തെന്നില്ലാതെ പെട്ടെന്ന് ബസിൻ്റെ വാതിലിലൂടെ പുറത്തേക്ക് ചാടിയത്.ഗുരുതരമായി പരിക്കേറ്റ ഇയാളെ ഉടൻ തന്നെ മാളയിലെ ബിലീവേഴ്‌സ് ചർച്ച് ആശുപത്രിയിൽ പ്രവേശിപ്പിച്ചു. നില വഷളായതിനെ തുടർന്ന് വിദഗ്ദ്ധ ചികിത്സയ്ക്കായി പിന്നീട് മെഡിക്കൽ കോളേജിലേക്ക് മാറ്റി.പരിക്കേറ്റ വ്യക്തി ആരാണെന്ന് ഇതുവരെ തിരിച്ചറിഞ്ഞിട്ടില്ല. സംഭവത്തെക്കുറിച്ച് പോലീസ് അന്വേഷണം ആരംഭിച്ചു.
