കണ്ണൂർ: ഏകദേശം പത്ത് കിലോ ഭാരമുള്ള ഉടുമ്പിനെ ബക്കളം സപ്ലൈക്കോ ഔട്ട്‌ലെറ്റിന് സമീപം പരുക്കേറ്റ നിലയിൽ കണ്ടെത്തി. തിങ്കളാഴ്ച ഉച്ചയ്ക്ക് ശേഷമാണ് സംഭവം.നാട്ടുകാർ വിവരമറിയിച്ചതിനെ തുടർന്ന് മാധ്യമപ്രവർത്തകനായ ബിജ്നു, വനം വകുപ്പിന്റെ അംഗീകൃത അനിമൽ റെസ്‌ക്യുവറായ ഷാജി ബക്കളത്തെ വിളിച്ചുവരുത്തി.
സ്ഥലത്തെത്തിയ ഷാജി, ഉടുമ്പിനെ പിടികൂടി മുറിവിൽ മരുന്ന് വെച്ച് ചികിത്സ നൽകി.തുടർന്ന് തളിപ്പറമ്പ് റേഞ്ച് ഫോറസ്റ്റ് ഓഫീസർ സനൂപ് കൃഷ്ണന്റെ നിർദേശപ്രകാരം ഉടുമ്പിനെ അതിൻ്റെ ആവാസ വ്യവസ്ഥയിൽ വിട്ടയച്ചു. ഉടുമ്പിന് തെരുവുനായയുടെ ആക്രമണത്തിൽ പരുക്കേറ്റതാകാനാണ് സാധ്യതയെന്ന് ഷാജി ബക്കളം പറഞ്ഞു.
