തൃശ്ശൂർ :കെഎസ്ആർടിസി ബസുകൾ കൂട്ടിയിടിച്ചു യാത്രക്കാർക്ക് പരിക്ക്,കൊടകര ദേശീയപാത പേരാമ്ബ്രെയിൽ അപ്പോളോ ടയേഴ്സിന്റെ മുൻപിൽ ആണ് അപകടമുണ്ടായത്. കെഎസ്ആർടിസി സ്വിഫ്റ്റ് ഓർഡിനറി ബസിന് പുറകിൽ ഇടിച്ച് 14 പേർക്കാണ് പരുക്കേറ്റത്.തിങ്കളാഴ്ച പകൽ 10:30 ഓടെ ചാലക്കുടി ഭാഗത്തുനിന്ന് തൃശൂരിലേക്ക് പോകുകയായിരുന്ന ബസുകൾ അപകടത്തിൽപെട്ടത് പരുക്കേറ്റവരെ ചാലക്കുടി സെന്റ് ജെയിംസ് ആശുപത്രിയിൽ പ്രവേശിപ്പിച്ചിരിക്കുകയായിരുന്നു.
പരുക്കേറ്റ ആരുടെയും നില ഗുരുതരമല്ല.പെരുമ്ബാവൂർ കുന്നതോടി നിമിഷ (28), വിടപ്പുഴ കുടിലിൽ അബ്ദുൽ സലാം (36), മറ്റത്തൂർ കോരേച്ചാൽ പാറമേക്കാടൻ രതീഷ് (43), കോട്ടയം സ്വദേശി നിതീഷ് (38), തൊടുപുഴ സ്വദേശി ജയ്ചി മത്യു (49) കൊടകര പുളിയാനിപറമ്ബിൽ സരള (65), വയനാട് സ്വദേശി ബേബി (63), കോതമംഗലം സ്വദേശി താജുദ്ദീൻ (44), കാതിക്കുടം സ്വദേശി ജെയ്കൺ (47), വി ആർ പുരം രാമൻ (65), കണ്ണൂർ ദീപേഷ് (34), മുവാറ്റുപുഴ കൃഷ്ണകുമാർ (53), നാട്ടിക സ്വദേശി വിനോദ് (54), പാലക്കാട് സ്വദേശി ഗോകുൽ ദാസ് എന്നിവരാണ് അപകടത്തിൽ പരുക്കറ്റ് ചികിത്സ തേടിയത്.
