ചെന്നൈ: അനുവാദമില്ലാതെ തന്റെ ഗാനങ്ങൾ സിനിമയിൽ ഉപയോഗിച്ചു എന്ന് ആരോപിച്ച് അജിത് ചിത്രത്തിനെതിരെ സംഗീത സംവിധായകൻ ഇളയരാജ.അജിത് കുമാർ ചിത്രം ഗുഡ് ബാഡ് അഗ്ലിയുടെ നിർമ്മാതാക്കൾക്ക് ഇത് സംബന്ധിച്ച് ഇളയരാജ വക്കീൽ നോട്ടീസ് അയച്ചു.നഷ്ട പരിഹാരമായി 6 കോടി നൽകണമെന്നും ഏഴ് ദിവസത്തിനകം ഗാനങ്ങൾ ചിത്രത്തിൽ നിന്നും നീക്കണമെന്നും നോട്ടീസിൽ.
ഏപ്രിൽ 10ന് ആയിരുന്നു ഗുഡ് ബാഡ് അഗ്ലി റിലീസ് ചെയ്യത്.പണം നൽകിയില്ലെങ്കിൽ നിയമ നടപടിയുമായി മുന്നോട്ട് പോകുമെന്നും ഇളയരാജ മുന്നറിയിപ്പ് നൽകി. ഇതിന് മുൻപും തൻ്റെ ഗാനങ്ങൾ അനുവാദമില്ലാതെ ഉപയോഗിച്ചുവെന്ന് ചൂണ്ടിക്കാട്ടി പല സിനിമാക്കാർക്കും ഇളയരാജ നോട്ടീസ് അയച്ചിട്ടുണ്ട്.ആദിക് രവിചന്ദ്രൻ സംവിധാനം ചെയ്ത ചിത്രം റിലീസ് ചെയ്യ് അഞ്ച് ദിവസത്തിൽ 100 കോടിയോളം രൂപ കളക്‌ട് ചെയ്തു കഴിഞ്ഞു.
അജിത്തിന്റെ മുൻ ചിത്രം വിഡാമുയർച്ചി ഈ വർഷം ഫെബ്രുവരിയിൽ ഇറങ്ങിയ ലൈഫ് ടൈം കളക്ഷൻ 136 കോടിയാണ് മറികടന്നത് .ഈ കളക്ഷനെ ഗുഡ് ബാഡ് ആഗ്ലി നാലു ദിവസത്തിൽ മറികടന്നുവെന്നാണ് ട്രാക്കറായ സാക്സിൽ.കോം പറയുന്നത്. സാക്ടിൽകിൻ്റെ കണക്ക് പ്രകാരം തമിഴ്പുത്താണ്ട്, വിഷു പോലുള്ള അവധികൾ നിലനിൽക്കുന്ന തിങ്കളാഴ്ച ചിത്രം 15 കോടിയാണ് നെറ്റ് കളക്ഷൻ നേടിയത്.
മാസ് ആക്ഷൻ പടമായി ഒരുങ്ങിയ ഗുഡ് ബാഡ് അഗ്ലിയിൽ സുനിൽ, ഷൈൻ ടോം ചാക്കോ, പ്രസന്ന ജാക്കി ഷെറോഫ്, പ്രഭു യോഗി ബാബു, തൃഷ, പ്രിയ വാര്യർ, സിമ്രാൻ തുടങ്ങി വലിയ താരനിര തന്നെ അണിനിരക്കുന്നുണ്ട്. പുഷ്ക നിർമ്മാതാക്കളായ മൈത്രി മൂവിമേക്കേർസും. ടി സീരിസുമാണ് നിർമ്മാതാക്കൾ. ജീവി പ്രകാശ് കുമാറാണ് ചിത്രത്തിന്റെ സംഗീതം നിർവഹിച്ചത്
