കൊല്ലം: കൊല്ലത്ത് ഹോട്ടൽ ഉടമയ്ക്ക് നേരെ ആക്രമണം. ഭക്ഷണം കഴിച്ചതിന് ശേഷം പണം നൽകുന്നതുമായുള്ള തർക്കത്തെ തുടർന്നാണ് ഹോട്ടൽ ഉടമയെ ഭക്ഷണം കഴിക്കാനെത്തിയ യുവാക്കൾ ചേർന്ന് തല്ലിയത് .മാർച്ച് 31നായിരുന്നു സംഭവം.
ആക്രമണത്തിൽ പിടിച്ചുമാറ്റനെത്തിയ ആൾക്കാർക്ക് നേരെയും യുവാക്കളിൽ നിന്ന് ആക്രമണം നേരിടേണ്ടിവന്നു. മർദ്ദനമേറ്റ ഹോട്ടലുടമ മോഹനന്റെ മരുമകൻ രാജേഷിന്റെ കമ്ബനിയിലെ ജീവനക്കാരാണ് മോഹനനെ മർദ്ദിച്ചത്. രാജേഷിന്റെ തൊഴിലാളികളായ രണ്ട് പേർ കടയിലെത്തി ഭക്ഷണം പാഴ്സൽ വാങ്ങി പൈസ കൊടുത്ത് ബാലൻസും വാങ്ങിയെന്നാണ് അവരുടെ ഭാഗം. എന്നാൽ പൈസ നൽകിയില്ലെന്ന് ഹോട്ടലുടമ മോഹനൻ പറഞ്ഞു.
പിന്നീട് വാക്കുകർക്കം കുയ്യേറ്റത്തിൽ കലാശിക്കുകയായിരുന്നു. മോഹനനെ യുവാക്കൾ ചേർന്ന് ക്രൂരമായി മർദ്ദിച്ചു. മോഹനനെ പിടിച്ചുമാറ്റിയ രാജേഷിനേയും മർദ്ദിച്ചു. സംഭവത്തിൽ ഇരുകൂട്ടരും പരിചയക്കാർ ആയതിനാൽ പരാതി നൽകിയില്ലെന്ന് പൊലീസ് പറയുന്നു.
