ദില്ലി: എൻഡിഎയുടെ വിജയക്കൊടി പ്രധാനമന്ത്രി മോദിയുടെ നന്ദി പ്രസംഗം.ബിഹാര്‍ നിയമസഭാ തെരഞ്ഞെടുപ്പിൽ മഹാവിജയത്തിൽ ബിഹാറിലെ ജനങ്ങളോട് നന്ദി പറഞ്ഞ് പ്രധാനമന്ത്രി നരേന്ദ്ര മോദി. ബിഹാർ നിയമസഭാ തിരഞ്ഞെടുപ്പിൽ എൻഡിഎ സഖ്യം നേടിയ വൻ വിജയത്തിന് പിന്നാലെ ബിഹാറിലെ ജനങ്ങൾക്ക് നന്ദി പറഞ്ഞ് പ്രധാനമന്ത്രി നരേന്ദ്ര മോദിയും കേന്ദ്ര ആഭ്യന്തരമന്ത്രി അമിത് ഷായും രംഗത്ത്.ജനങ്ങളുടെ വിധി ബിഹാറിന് വേണ്ടി പ്രവർത്തിക്കാൻ കൂടുതൽ ഊർജ്ജം നൽകുമെന്ന് മോദി എക്സിൽ കുറിച്ചു.
ഈ വിജയം വികസനത്തിനും സദ്ഭരണത്തിനും സാമൂഹിക നീതിക്കും ലഭിച്ച അംഗീകാരമാണ്. സദ്ഭരണത്തിനും നല്ല ഭാവിക്കും വേണ്ടിയാണ് ജനങ്ങൾ എൻഡിഎക്ക് വോട്ട് ചെയ്തതെന്നും മോദി പറഞ്ഞു. മുഖ്യമന്ത്രി നിതീഷ് കുമാർ, ചിരാഗ് പസ്വാൻ ഉൾപ്പെടെയുള്ള എൻഡിഎ സഖ്യകക്ഷികളെയും അദ്ദേഹം അഭിനന്ദിച്ചു.ബിഹാറിലെ വിജയം എൻഡിഎയുടെ സേവനത്തിനുള്ള ജനങ്ങളുടെ അംഗീകാരമാണെന്ന് അമിത് ഷാ എക്സിൽ കുറിച്ചു. വികസിത ബിഹാർ എന്ന ദൃഢനിശ്ചയത്തിനു വേണ്ടിയുള്ള ജനവിധിയാണിത്.
വോട്ടുബാങ്കുകൾക്ക് വേണ്ടി വോട്ടർപട്ടികയിലെ നുഴഞ്ഞുകയറ്റക്കാരെ സംരക്ഷിക്കുന്നവർക്കുള്ള ജനങ്ങളുടെ ഉചിതമായ മറുപടിയാണ് ഈ ജനവിധി എന്ന് അമിത് ഷാ വിമർശിച്ചു. രാഹുൽ ഗാന്ധിയുടെ നേതൃത്വത്തിൽ കോൺഗ്രസ് ഇന്ന് ബിഹാറിൽ ഏറ്റവും മോശം നിലയിലെത്തിയെന്നും അദ്ദേഹം കൂട്ടിച്ചേർത്തു.തിരഞ്ഞെടുപ്പ് കമ്മീഷനെ കൂട്ടുപിടിച്ചാണ് ബിജെപി ബിഹാറിൽ വിജയിച്ചതെന്ന് കോൺഗ്രസ് ആരോപിച്ചു.സംസ്ഥാന ഭരണം ദുരുപയോഗം ചെയ്താണ് എൻഡിഎ വിജയിച്ചതെന്ന് സിപിഎം പൊളിറ്റ് ബ്യൂറോ വിമർശിച്ചു.
