എറണാകുളം : എൻഫോഴ്സ്മെന്റ് ഡയറക്ടറേറ്റിന്റെ സമൻസുകൾ തുടർച്ചയായി അവഗണിച്ചതിന് കൊല്ലത്തെ കശുവണ്ടി വ്യവസായി അനീഷ് ബാബു, അമ്മ അനിത ബാബു എന്നിവർക്കെതിരെ നിയമനടപടി. എറണാകുളം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ ഇഡി ക്രിമിനൽ കേസ് ഫയൽ ചെയ്തു. ഹർജിയിൽ പ്രതികൾക്ക് കോടതി നോട്ടീസ് അയച്ചു.
ടാൻസാനിയയിൽ നിന്ന് കശുവണ്ടി ഇറക്കുമതി ചെയ്തു നൽകാമെന്ന് വാഗ്ദാനം നൽകി 25 കോടി രൂപ തട്ടിയെടുത്തെന്ന പരാതിയിലാണ് അനീഷിനെതിരെ കള്ളപ്പണം തടയൽ നിയമപ്രകാരം അന്വേഷണം നടക്കുന്നത്. പത്ത് തവണ നോട്ടീസ് അയച്ചിട്ടും ചോദ്യം ചെയ്യലിന് ഹാജരാകാതിരുന്നതിനെത്തുടർന്നാണ് ഇഡി കോടതിയെ സമീപിച്ചത്. നേരത്തെ കേസ് ഒത്തുതീർപ്പാക്കാൻ ഇഡി ഉദ്യോഗസ്ഥൻ കൈക്കൂലി ആവശ്യപ്പെട്ടെന്ന് ആരോപിച്ച് വിജിലൻസിന് പരാതി നൽകിയ വ്യക്തിയാണ് അനീഷ് ബാബു.
