തിരുവനന്തപുരം: ശനിയാഴ്ച വൈകീട്ട് രാജ്‌ഭവനിൽ ജീവനക്കാർ യാത്രയയപ്പ് ചടങ്ങ് നടത്താൻ തീരുമാനിച്ചിരുന്നെങ്കിലും മാറ്റിവെച്ചു. മുൻ പ്രധാനമന്ത്രി മൻമോഹൻ സിങ്ങിന്റെ വിയോഗത്തെതുടർന്ന് പ്രഖ്യാപിച്ച ദുഃഖാചരണം നിലനിൽക്കുന്ന സാഹചര്യത്തിലാണ് യാത്രയയപ്പ് ചടങ്ങ് ഒഴിവാക്കിയത്.പുതിയ ഗവർണർ രാജേന്ദ്ര ആർലേകർ ജനുവരി ഒന്നിന് കേരളത്തിലെത്തും. രണ്ടിന് അദ്ദേഹം സത്യപ്രതിജ്ഞചെയ്യ് ചുമതലയേൽക്കാനാണ് സാധ്യത. ഔദ്യോഗിക ചടങ്ങ് അല്ലാത്ത നിലയിൽ യാത്രയയപ്പ് സംഘടിപ്പിക്കാനാണ് ജീവനക്കാർ തീരുമാനിച്ചിരുന്നത് എങ്കിലും ദുഃഖാചരണത്തിന്റെ പശ്ചാത്തലത്തിൽ പരിപാടിഒഴിവാക്കുകയായിരുന്നു.
