പാലക്കാട് : മണ്ണാർക്കാട് കച്ചേരിപ്പറമ്പിൽ കിണറ്റിൽ വീണ് ഒന്നര വയസ്സുകാരൻ മരിച്ചു. കച്ചേരിപ്പറമ്പ് നെട്ടൻ കണ്ടൻ മുഹമ്മദ് ഫാസിലിന്റെയും മുഫീദയുടെയും മകൻ ഏദൻ ആണ് മരിച്ചത്. ഇന്ന് വൈകുന്നേരമാണ് സംഭവം. വൈകിട്ട് വീടിന് മുന്നിൽ കളിച്ചുകൊണ്ടിരിക്കുകയായിരുന്നു ഏദൻ. ഈ സമയം അബദ്ധത്തിൽ കുട്ടി അടുക്കളയോട് ചേർന്നുള്ള ചെറിയ ആൾമറ മാത്രമുള്ള കിണറ്റിൽ വീഴുകയായിരുന്നു. ഉടൻ തന്നെ കുട്ടിയെ പുറത്തെടുത്തെങ്കിലും ജീവൻ രക്ഷിക്കാനായില്ല.
