ഉഡുപ്പി:സ്വകാര്യ സ്കൂൾ ബസിന്റെ ടയർ നന്നാക്കുന്നിതിനിടെ അബ്ദുൾ റസീദ് എന്നയാൾക്കാണ് അപകടം സംഭവിച്ചത്. ടയർ നേരെയാക്കുന്നതിനിടെ വളരെ അപ്രതീക്ഷിതമായി ടയർ പൊട്ടിത്തെറിക്കുകയായിരുന്നു. ദേശീയ പാത 66 ൽ കോട്ടേശ്വരത്തിന് സമീപം കെപിഎസ് പിയു കോളേജിന് പുറകിലുള്ള ടയർ പഞ്ചർ കടയിലാണ് സംഭവം ഉണ്ടായത്. പൊട്ടിത്തെറിച്ച ആഘാതത്തിൽ റസീദ് സംഭവം നടന്ന സ്ഥലത്ത് നിന്ന് തെറിച്ചു പോകുകയായിരുന്നു. കയ്യിലാണ് പരിക്കേറ്റിട്ടുള്ളത്. അദ്ദേഹം മംഗളൂരുവിലെ സ്വകാര്യ ആശുപത്രിയിൽ ചികിത്സ തേടി.
