വർക്കല: വർക്കല പാളയംകുന്ന് പോസ്റ്റ് ഓഫീസ് ജീവനക്കാരിയായ അമ്മയ്ക്കെതിരെയാണ് അയിരൂർ പൊലീസ് കേസ് രജിസ്റ്റർ ചെയ്തത്.16കാരന് ഇരുചക്രവാഹനമോടിക്കാൻ നല്‍കിയതിനെ തുടർന്നാണ് അമ്മയ്ക്കെതിരെ കേസെടുത്തിരിക്കുന്നത്.പൊലീസിന്റെ സ്ഥിരം വാഹന പരിശോധനയ്ക്കിടയിലാണ് വർക്കല പാളയംകുന്ന് ഭാഗത്തേക്ക് ഇരുചക്ര വാഹനം ഓടിച്ചു വരുന്ന 16 കാരനെ കാണുന്നത്.
തുടർന്ന് കുട്ടിയുടെ വാഹനം നിർത്തിച്ച്‌ വിവരങ്ങള്‍ ചോദിച്ചറിയുകയായിരുന്നു.കുട്ടിയെ ചോദ്യം ചെയ്തതില്‍ നിന്നാണ് അമ്മയാണ് കുട്ടിക്ക് വാഹനമോടിക്കാൻ നല്‍കിയതെന്ന് പൊലീസിന് മനസ്സിലായത്. 50000 രൂപ പിഴയോ, ഒരു വർഷം തടവു ശിക്ഷയോ അല്ലെങ്കില്‍ രണ്ടുംകൂടി ഒരുമിച്ചോ ശിക്ഷ ലഭിക്കാവുന്ന കുറ്റകൃത്യമാണ് ഇതെന്നും അയിരൂർ പൊലീസ് അറിയിച്ചു.തുടർന്ന് അമ്മയ്ക്കെതിരെ അയിരൂർ പൊലീസ് കേസ് രജിസ്റ്റർ ചെയ്യുകയായിരുന്നു.
