തിരുവനന്തപുരം:നെയ്യാറ്റിൻകരയിൽ റോഡ് മുറിച്ചുകടക്കാൻ ശ്രമിക്കവേയായിരുന്നു തല കീഴായി വീണ് സ്ത്രീക്ക് ഗുരുതര പരിക്ക്. പുല്ലഞ്ചേരി സ്വദേശി ലീലയ്ക്കാണ് പരിക്കേറ്റത്. തലക്ക് ഗുരുതരമായി പരിക്കേറ്റ ഇവരെ തിരുവനന്തപുരം മെഡിക്കൽ കോളേജ് ആശുപത്രിയിൽ തീവ്ര പരിചരണ വിഭാഗത്തിൽ പ്രവേശിപ്പിച്ചിരിക്കുകയാണ്.
കുന്നത്തുകാലിൽ റോഡ് മുറിച്ച് കടക്കാൻ ശ്രമിക്കുമ്പോൾ ആയിരുന്നു ലീലയുടെ കാൽ ഓട നിർമ്മാണത്തിനായി ഇട്ട കല്ലിൽ തട്ടി തലകീഴായി ഓടയിലേക്ക് വീഴുകയായിരുന്നു. നാട്ടുകാരടക്കം ചേർന്നാണ് ലീലയെ കുഴിയിൽ നിന്ന് പുറത്തെടുത്തത്. ഉടൻ തന്നെ ആശുപത്രിയിലേക്ക് മാറ്റുകയും ചെയ്തു. ഇന്ന് പകൽ 11 മണിയോടെയാണ് അപകടം സംഭവിച്ചത്
