കലൂർ സ്റ്റേഡിയത്തിന് സമീപം സിനിമാനടിയെ പിന്തുടർന്ന് ശല്യം ചെയ്യുകയും കടന്നുപിടിച്ച് അപമാനിക്കുകയും ചെയ്ത യുവാവ് പോലീസ് പിടിയിലായി. കതൃക്കടവ് ആനിപ്പറമ്പിൽ വിപിൻ റോയ് (39) ആണ് അറസ്റ്റിലായത്.വ്യാഴാഴ്ച വൈകിട്ട് നടി കലൂർ സ്റ്റേഡിയത്തിന് സമീപം നടക്കാനിറങ്ങിയപ്പോഴായിരുന്നു സംഭവം.
സ്റ്റേഡിയം ലിങ്ക് റോഡിലെ ടാറ്റൂ സ്റ്റുഡിയോയ്ക്ക് സമീപത്തുവെച്ച് പ്രതി നടിയെ തടഞ്ഞുനിർത്തുകയും തുടർന്ന് കടന്നുപിടിച്ച് അപമാനിക്കാൻ ശ്രമിക്കുകയുമായിരുന്നു.നടിയുടെ പരാതിയെത്തുടർന്ന് പോലീസ് ഉടനടി നടപടിയെടുക്കുകയും പ്രതിയെ കസ്റ്റഡിയിലെടുക്കുകയും ചെയ്തു. സ്ത്രീത്വത്തെ അപമാനിക്കൽ (Outraging the modesty of a woman), സ്ത്രീകൾക്കെതിരെയുള്ള അതിക്രമം തുടങ്ങിയ ഗൗരവകരമായ വകുപ്പുകൾ പ്രകാരമാണ് വിപിൻ റോയിക്കെതിരെ കേസ് രജിസ്റ്റർ ചെയ്തിരിക്കുന്നത്.
