Banner Ads

അപ്രതീക്ഷിത തകരാർ: കളമശ്ശേരിയിൽ ഗുഡ്‌സ് ട്രെയിൻ എഞ്ചിൻ പാളം തെറ്റി

കൊച്ചി: കളമശ്ശേരി റെയിൽവേ സ്റ്റേഷന് സമീപം ഗുഡ്‌സ് ട്രെയിൻ എഞ്ചിൻ പാളം തെറ്റി. ഇന്ന് ഉച്ചയ്ക്ക് 2.50 ഓടെയാണ് സംഭവം.കളമശ്ശേരിയിൽ നിന്ന് സർവീസ് ആരംഭിക്കാൻ ഷൺഡിങ് ചെയ്യുന്നതിനിടയിലാണ് അപകടമുണ്ടായത്. എഞ്ചിൻ റെയിൽ പാളം അവസാനിക്കുന്നിടത്തുള്ള ബാരിക്കേഡ് മറികടന്ന് മുന്നോട്ടുപോവുകയും സമീപത്തുണ്ടായിരുന്ന ഇലക്ട്രിക് പോസ്റ്റിൽ ഇടിക്കുകയും ചെയ്തതിനെ തുടർന്നാണ് പാളം തെറ്റിയത്.അപകടത്തെ തുടർന്ന് എഞ്ചിന് കാര്യമായ കേടുപാടുകൾ സംഭവിച്ചിട്ടുണ്ട്. മറ്റ് ട്രെയിൻ സർവീസുകൾക്ക് കാര്യമായ തടസ്സമുണ്ടായിട്ടില്ലെന്നാണ് പ്രാഥമിക വിവരം. അപകടത്തിൻ്റെ കൃത്യമായ കാരണം കണ്ടെത്താൻ റെയിൽവേ അധികൃതർ അന്വേഷണം ആരംഭിച്ചിട്ടുണ്ട്.