ചക്കരക്കല്‍ (കണ്ണൂർ):സ്കൂള്‍ ബസ് ഡ്രൈവർ അറസ്റ്റില്‍. സ്കൂള്‍ ബസില്‍ വച്ച്‌ വിദ്യാർഥിനിയെ ലൈംഗികമായി ഉപദ്രവിച്ചതിനെ തുടർന്നാണ് ഡ്രൈവറെ അറസ്റ്റ് ചെയ്തത് .എടക്കാട് പോലീസ് സ്റ്റേഷൻ പരിധിയിലെ വിദ്യാലയത്തിലെ ബസ് ഡ്രൈവറെയാണ് പോക്സോ വകുപ്പ് ചുമത്തി പോലീസ് ഇന്നു രാവിലെ അറസ്റ്റ് ചെയ്തത്.പെണ്‍കുട്ടി ഇക്കാര്യം അധ്യാപകരോട് പറയുകയും സ്കൂള്‍ അധികൃതർ എടക്കാട് പോലീസില്‍ പരാതി നല്‍കുകയുമായിരുന്നു. ഉച്ചയ്ക്ക് സ്കൂള്‍ ബസിലെ യാത്രയ്ക്കിടെ ഡ്രൈവർ ഉപദ്രവിച്ചെന്നാണ് പരാതി. ഇതിനു പിന്നാലെയാണ് പ്രതിയെ പോലീസ് അറസ്റ്റ് ചെയ്തത്.
