ടെക്സസ് : പറന്നുയർന്ന ചെറുവിമാനം തകർന്നുവീണ് പൈലറ്റ് അടക്കം രണ്ട് പേർ കൊല്ലപ്പെട്ടു. അമേരിക്കയിലെ പടിഞ്ഞാറൻ ടെക്‌സസിലാണ് ചൊവ്വാഴ്ച രാവിലെ ഏഴ് മണിയോടെ സംഭവം നടന്നത്. വിമാനത്തിന്റെ പൈലറ്റ് ജോസഫ് വിൻസെന്റ് സുമ്മ(48) യാത്രക്കാരില്‍ ഒരാളായ ജോലീൻ കവറെറ്റ വെതർലിയുമാണ് (49) മരിച്ചതെന്നാണ് ടെക്സസ് പബ്ലിക് സേഫ്റ്റി ഡിപ്പാർട്ട്‌മെന്റ് അറിയിച്ചത്.
ഡേസ-ഷ്ലെമെയർ ഫീല്‍ഡ് എയർപോർട്ടില്‍ നിന്ന് പറന്നുയർന്ന വിമാനമാണ് ഉടൻ തന്നെ തകർന്നു വീണത് എന്നാണ് ദൃക്സാക്ഷികള്‍ പറഞ്ഞത്. വിമാനം പറന്നുയർന്ന ഉടനെ തകരാർ കണ്ടെത്തിയിരുന്നു. പിന്നീട് വിമാനം അടിയന്തിരമായി ഹൈവേയില്‍ ഇറക്കാൻ ശ്രമിക്കുന്നതിനിടെയാണ് അപകടം ഉണ്ടായത്. അപകടത്തില്‍ വീടുകള്‍, സ്ഥാപനങ്ങള്‍, വാഹനങ്ങള്‍ എന്നിവയും തകർന്നിട്ടുണ്ട്.
