തിരുവനന്തപുരം : സംസ്ഥാനത്ത് സ്വർണവില റെക്കോർഡിലേക്ക്. ഇന്ന് ഒരു പവന് 920 രൂപയുടെ വൻ വർധനവാണ് രേഖപ്പെടുത്തിയത്. ഇതോടെ സ്വർണവില ചരിത്രത്തിലാദ്യമായി 89,000 രൂപ കടന്നു. ഇന്ന് ഒരു പവൻ (8 ഗ്രാം) 22 കാരറ്റ് സ്വർണത്തിന്റെ വിപണി വില 89,480 രൂപയാണ്.
ഇന്നലെ 1000 രൂപ വർധിച്ചതിന് പിന്നാലെയാണ് ഇന്ന് വീണ്ടും വലിയ കുതിപ്പുണ്ടായിരിക്കുന്നത്. ഒരു പവൻ ആഭരണം സ്വന്തമാക്കാൻ ജിഎസ്ടി, പണിക്കൂലി, ഹോൾമാർക്ക് ഫീസ് എന്നിവ അടക്കം 96,000 രൂപയ്ക്ക് മുകളിൽ നൽകേണ്ടി വരും. നിലവിൽ ഒരു ഗ്രാം സ്വർണത്തിന് 12,000 രൂപയിലധികമാണ് വില.
