ശ്രീനഗർ: ജമ്മു കാഷ്മീരിലെ ബന്ദിപ്പോരയില്‍ സുരക്ഷാ സേനയുമായി ഉണ്ടായ ഏറ്റുമുട്ടലിനെ തുടർന്ന് ഒരു ഭീകരനെ വധിച്ചു. വനമേഖലയില്‍ പട്രോളിംഗ് നടത്തുകയായിരുന്ന സൈന്യത്തിനു നേരെ ഭീകരർ വെടിവയ്ക്കുകയായിരുന്നു.പ്രത്യാക്രമണത്തില്‍ ഒരാള്‍ കെല്ലപ്പെട്ടതായും മറ്റൊരു ഭീകരനായി തെരച്ചില്‍ തുടരുകയാണെന്നും സൈന്യം അറിയിച്ചു. നവംബർ രണ്ടിന് അനന്ത്നാഗില്‍ സുരക്ഷാസേനയുമായുള്ള ഏറ്റുമുട്ടലില്‍ രണ്ട് ഭീകരർ കൊല്ലപ്പെട്ടിരുന്നു.മേഖലയില്‍ ഭീകരരുടെ സാന്നിധ്യം ഉണ്ടെന്ന് മനസിലാക്കി സൈന്യം നടത്തിയ ആന്‍റി ടെറർ ഓപ്പറേഷനിടെയായിരുന്നു സുരക്ഷാസേനയും ഭീകരരും തമ്മില്‍ ഏറ്റുമുട്ടലുണ്ടായത്.
