കൊച്ചി:യാത്രയ്ക്കിടയിൽ കുഴഞ്ഞുവീണ യാത്രക്കാരിയെ മിനിറ്റുകൾക്കകം ആശുപത്രിയിലെത്തിച്ച് ബസ് ജീവനക്കാർ. എറണാകുളം-വൈക്കം റൂട്ടിൽ സർവീസ് നടത്തുന്ന കാശിനാഥൻ എന്ന ബസിലെ ഡ്രൈവർ പി.ഡി. ദീപുവും കണ്ടക്ടർ ആദിത്യനും യാത്രക്കാരനായ ശ്യാം സതീശനുമാണ് രക്ഷകനായത്.
ഇന്ന് രാവിലെ 8.30 ഓടെ ബസ് കണ്ടനാട് എത്തിയപ്പോഴാണ് പുതിയകാവിൽ ജോലി ചെയ്യുന്ന വൈക്കം സ്വദേശിനിയായ യുവതി ബസിൽ കുഴഞ്ഞുവീണത്. തുടർന്ന് നിറയെ യാത്രക്കാരുമായുള്ള ബസ് ഡ്രൈവറായ ദീപു തൃപ്പൂണിത്തുറ താലൂക്ക് ആശുപത്രിയിലേക്ക് ഓടിച്ചെത്തിക്കുകയായിരുന്നു.
കണ്ടനാട് നിന്ന് തൃപ്പൂണിത്തുറ താലൂക്ക് ആശുപത്രിയിലേക്ക് എട്ടു മിനിറ്റിനകം രോഗിയെ എത്തിക്കാൻ ബസ് ജീവനക്കാർക്ക് കഴിഞ്ഞു. ഫിക്‌സ് വന്നതിനെ തുടർന്നാണ് യുവതി കുഴഞ്ഞു വീണത്.യുവതിയുടെ ബന്ധുക്കൾ എത്തുന്നവരെ ആശുപത്രിയിൽ നിന്നത് യാത്രക്കാരനായ ശ്യാം സതീശനായിരുന്നു.
