കണ്ണൂർ :എഡിഎം നവീൻ ബാബുവിന്റെ മരണത്തിന് പിന്നാലെ, കണ്ണൂർ ജില്ലാ പഞ്ചായത്ത് പ്രസിഡന്റ് സ്ഥാനത്ത് നിന്നും പി പി ദിവ്യ രാജിവെച്ചത്, അതിന്റെ ഭാഗമായി പുതിയ പ്രസിഡന്റ് തെരഞ്ഞെടുപ്പ് ഇന്ന് രാവിലെ 11 മണിക്ക് നടന്നത്.കണ്ണൂർ ജില്ലാ പഞ്ചായത്ത് പ്രസിഡന്റായി എല്‍ഡിഎഫിലെ അഡ്വ. കെ കെ രത്നകുമാരിയെ ഇന്ന് തിരഞ്ഞെടുത്തു. എല്ലാവരുമായി യോജിച്ച്‌ പ്രവര്‍ത്തിക്കുമെന്നും നേരത്തെയെടുത്ത തീരുമാനങ്ങള്‍ മുന്നോട്ടുകൊണ്ടുപോകുമെന്നും രത്നകുമാരി കൂട്ടിച്ചേർത്തു .
നിയുക്ത കണ്ണൂർ ജില്ലാ പഞ്ചായത്ത് പ്രസിഡന്റിന് ആശംസയുമായി പ്രതിപക്ഷവും രംഗത്തെത്തി.യുഡിഎഫിലെ ജൂബിലി ചാക്കോയെ 7ന് എതിരെ 16 വോട്ടുകള്‍ക്കാണ് രത്നകുമാരി പരാജയപ്പെടുത്തിയത്. വോട്ടെടുപ്പില്‍ നിന്ന് പി പി ദിവ്യ വിട്ടു നിന്നു.ജാമ്യത്തിലായതിനാലാണ് പി പി ദിവ്യ വോട്ട് ചെയ്യാൻ എത്താതിരുന്നത് എന്നും വോട്ടെടുപ്പിന് വന്നാല്‍ സാക്ഷികളെ സ്വാധീനിക്കാൻ ശ്രമം നടത്തിയെന്ന രീതിയില്‍ പ്രചാരണം നടക്കാന്‍ സാധ്യതയുണ്ടായിരുന്നു എന്നും രത്നകുമാരി പറഞ്ഞു.ഉന്നത ഉദ്യോഗസ്ഥരുടെ അനുവാദമില്ലാതെ ജില്ലാ പഞ്ചായത്ത് ഓഫിസിലേക്ക് പ്രവേശിക്കാൻ സാധിക്കില്ലെന്ന് പൊലീസ് വ്യക്തമാക്കി
