കല്ലറ കുരിശ്ശുപള്ളി കവലയ്ക്ക് സമീപം പ്രവർത്തിക്കുന്ന ‘ലവ് & ലൈറ്റ് കേക്ക്സ് & ബേക്കറിസ്’ എന്ന സ്ഥാപനത്തിൽ വൻ മോഷണം. ബേക്കറിയുടെ പൂട്ട് തകർത്ത് അകത്ത് കടന്ന മോഷ്ടാക്കൾ, സ്ഥാപനത്തിലെ പണവും വിലപിടിപ്പുള്ള ബേക്കറി പലഹാരങ്ങളും കവർന്നു. മോഷണത്തിന്റെ ഞെട്ടിക്കുന്ന സി.സി.ടി.വി. ദൃശ്യങ്ങൾ പുറത്തുവന്നിട്ടുണ്ട്. സംഭവത്തിൽ കേസെടുത്ത കല്ലറ പോലീസ്, അന്വേഷണം ഊർജ്ജിതമാക്കിയിട്ടുണ്ട്.
