നടൻ ബാലയുടെ വൈക്കം നേരെ കടവിലുള്ള വീട്ടിൽ ബാലക്കൊപ്പമുള്ള ഫോട്ടോ എടുക്കാനായി അതിക്രമിച്ചു കയറാൻ യുവാക്കൾ ശ്രമം നടത്തി, തുടർന്ന് പോലീസിൽ നടൻ പരാതി നൽകുകയും ചെയ്തു. യുവാക്കൾ അതിക്രമിച്ചു കയറാൻ ശ്രമിച്ചത് സെക്യൂരിറ്റി ജീവനക്കാരൻ തടഞ്ഞതോടെ യുവാക്കളും സെക്യൂരിറ്റിയും തമ്മിൽ വാക്കേറ്റം നടക്കുകയുണ്ടായി. കഴിഞ്ഞ ദിവസം രാത്രിയാണു ഈ സംഭവം നടന്നത്. സംഭവവുമായി ബന്ധപ്പെട്ടു സിസിടിവി ദൃശ്യങ്ങൾ ഉൾപ്പടെയാണ് നടൻ വൈക്കംപോലിസിൽ പരാതി നൽകിയത്. കാറിലെത്തിയ 6 അംഗ സംഘം അനുമതി കൂടാതെ ഗേറ്റ് തുറന്ന് അകത്തേക്ക് കടക്കുകയായിരുന്നു.
