മണ്ണാര്ക്കാട്: മുപ്പതാമത് സംസ്ഥാന സ്കൂള് ശാസ്ത്രോത്സവത്തിന് ഇന്ന് മണ്ണാർക്കാട്ട് തുടക്കമാവുന്നു. നവംബർ 21 വരെ നീണ്ടുനിൽക്കുന്ന മേള വൈകിട്ട് നാലിന് നെല്ലിപ്പുഴ ഡിഎച്ച്എസ്എസ് ഹയര് സെക്കന്ഡറി സ്കൂളില് വെച്ച് മന്ത്രി എന്.ഷംസുദ്ദീന് ഉദ്ഘാടനം ചെയ്യും. ചടങ്ങിൽ വി.കെ. ശ്രീകണ്ഠന് എംപി അധ്യക്ഷത വഹിക്കും.
മേളയുടെ ഔദ്യോഗിക വിളംബരജാഥ ഇന്ന് ഉച്ചകഴിഞ്ഞ് മൂന്നിന് മണ്ണാര്ക്കാട് കെടിഎം ഹൈസ്കൂളില് നിന്ന് ആരംഭിച്ച് നെല്ലിപ്പുഴ ഡിഎച്ച്എസ്എസ് സ്കൂളില് സമാപിക്കും. വാദ്യമേളങ്ങളുടെയും വിവിധ കലാരൂപങ്ങളുടെയും അകമ്പടിയോടെ നടക്കുന്ന ഘോഷയാത്രയിൽ അധ്യാപകർ, സാമൂഹിക-സാംസ്കാരിക പ്രവർത്തകർ, സന്നദ്ധ സംഘടനാ പ്രതിനിധികള് തുടങ്ങി 1500-ലധികം പേർ അണിനിരക്കും. മത്സരാർത്ഥികൾ ഉൾപ്പെടെ ഏഴായിരത്തോളം പേരാണ് മേളയിൽ മാറ്റുരയ്ക്കുന്നത്.ശാസ്ത്ര-ഐടി മേളകൾ: മണ്ണാര്ക്കാട് എംഇഎച്ച്എസ്എസ്
- ഗണിതമേള: കുമരംപുത്തൂര് കല്ലടി എച്ച്എസ്എസ്
- സാമൂഹ്യശാസ്ത്രമേള: മണ്ണാര്ക്കാട് എംഇടി എച്ച്എസ്എസ്
- പ്രവൃത്തിപരിചയ മേള: നെല്ലിപ്പുഴ ഡിഎച്ച്എസ്എസ്
- സ്കില് ഫെസ്റ്റ്: നെല്ലിപ്പുഴ കെഎസ്ആര്ടിസി ബസ് സ്റ്റാന്ഡിന് സമീപമുള്ള മിനി മുബാസ് സ്റ്റേഡിയം, ജിഎംയുപി സ്കൂൾ
നവംബർ 21-ന് നടക്കുന്ന സമാപന സമ്മേളനം മന്ത്രി കെ.എ. തുളസി ഉദ്ഘാടനം ചെയ്യും. മന്ത്രി എന്. ഷംസുദ്ദീൻ ചടങ്ങിൽ അധ്യക്ഷത വഹിക്കും.