തിരുവനന്തപുരം : കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാന്റെ രാജി അനിവാര്യമായിരുന്നുവെന്നും സമരം ചെയ്ത ഇന്ത്യൻ യുവത്വത്തിന്റെ വിജയമാണിതെന്നും മുഖ്യമന്ത്രി വിഡി സതീശൻ. പിടിച്ചുനിൽക്കാൻ ഒരു വഴിയുമില്ലെന്ന നിലയിലെത്തിയപ്പോഴാണ് വൈകിയാണെങ്കിലും രാജി ഉണ്ടായതെന്ന് വിഡി സതീശൻ പറഞ്ഞു.
ദിനംപ്രതി കടുക്കുന്ന വിദ്യാർത്ഥി പ്രക്ഷോഭങ്ങൾക്ക് മുന്നിൽ കേന്ദ്ര സർക്കാരിന് വഴങ്ങേണ്ടി വന്നു. പോരാട്ടവീര്യവും ആത്മധൈര്യവും ഉയർത്തിപ്പിടിച്ച ഇന്ത്യൻ യുവത്വത്തിന് ബിഗ് സല്യൂട്ട്. ഇത്രയും ദിവസം കുട്ടികളെ തെരുവിലിട്ട് തല്ലിയൊതുക്കാൻ ശ്രമിച്ച ശേഷം വന്ന ധർമേന്ദ്ര പ്രധാന്റെ രാജി സ്വാഗതം ചെയ്യുന്നുവെന്നും വിഡി സതീശൻ ഫേസ്ബുക്കിൽ കുറിച്ചു.
സിജെപിയും പ്രതിപക്ഷ പാർട്ടികളും ചേർന്ന് പ്രക്ഷോഭം കടുപ്പിച്ചതോടെയാണ് പ്രധാനമന്ത്രി നരേന്ദ്ര മോദിക്ക് ധർമേന്ദ്ര പ്രധാൻ രാജിക്കത്ത് കൈമാറിയത്. ധർമേന്ദ്ര പ്രധാൻ രാജിവെക്കേണ്ടതില്ലെന്ന നിലപാടിലായിരുന്നു കേന്ദ്ര സർക്കാരും ഭരണപക്ഷവും. എന്നാൽ രാജിയല്ലാതെ മറ്റ് വിട്ടുവീഴ്ചകൾക്കില്ലെന്ന് പ്രക്ഷോഭകർ പറഞ്ഞതോടെ കേന്ദ്ര സർക്കാരിന് നിലപാട് തിരുത്തേണ്ടി വരികയായിരുന്നു.
