അർജന്റീന നായകൻ ലയണൽ മെസ്സിയുടെ വിരമിക്കലുമായി ബന്ധപ്പെട്ട അഭ്യൂഹങ്ങൾക്ക് അന്ത്യം കുറിച്ച് കോച്ച് ലയണൽ സ്കലോണി. മെസ്സി എത്രകാലം കളിക്കളത്തിൽ തുടരണമെന്ന് സ്വയം തീരുമാനിക്കട്ടെ എന്നും, ആ തീരുമാനത്തിന് ടീമിന്റെയും രാജ്യത്തിന്റെയും പൂർണ്ണ പിന്തുണയുണ്ടാകുമെന്നും സ്കലോണി വ്യക്തമാക്കി. ലോകകപ്പ് ഫൈനലിന് ശേഷം മാധ്യമങ്ങളുടെ ചോദ്യങ്ങൾക്ക് മറുപടി നൽകുകയായിരുന്നു അദ്ദേഹം.
“തന്റെ കരിയറിനെക്കുറിച്ച് മെസ്സി എടുക്കുന്ന ഏത് തീരുമാനത്തെയും നമ്മൾ ബഹുമാനിക്കേണ്ടതുണ്ട്. കളിക്കാൻ ആഗ്രഹിക്കുന്നിടത്തോളം കാലം അർജന്റീനയ്ക്കായി അദ്ദേഹം മൈതാനത്തുണ്ടാകും. വിരമിക്കലുമായി ബന്ധപ്പെട്ട് അദ്ദേഹത്തിന്മേൽ യാതൊരുവിധ സമ്മർദ്ദവുമില്ല.”
