തിരുവനന്തപുരം: സംസ്ഥാന സർക്കാരിന്റെ നയപ്രഖ്യാപനം വെറും ‘നിരാശാപ്രഖ്യാപനം’ മാത്രമായി മാറിയെന്ന് പ്രതിപക്ഷ നേതാവ് പിണറായി വിജയൻ. പുതിയ വി.ഡി. സതീശൻ സർക്കാരിന്റെ സഭയിലെ ആദ്യ നയപ്രഖ്യാപന പ്രസംഗത്തിന് പിന്നാലെ നടത്തിയ വാർത്താസമ്മേളനത്തിലാണ് അദ്ദേഹം സർക്കാരിനെതിരെ രൂക്ഷവിമർശനം ഉന്നയിച്ചത്.
കേരളത്തിന്റെ വികസനത്തെ പിന്നോട്ടടിക്കുന്ന നിർദ്ദേശങ്ങളാണ് നയപ്രഖ്യാപനത്തിലുള്ളതെന്ന് പ്രതിപക്ഷ നേതാവ് കുറ്റപ്പെടുത്തി. സംസ്ഥാനത്തെ പുതുയുഗത്തിലേക്ക് നയിക്കുമെന്ന് പ്രസംഗത്തിൽ അവകാശപ്പെടുന്നുണ്ടെങ്കിലും, അത് എങ്ങനെ നടപ്പാക്കുമെന്നതിനെക്കുറിച്ചുള്ള വ്യക്തമായ സാമ്പത്തിക റൂട്ട് മാപ്പ് എവിടെയും കാണാനില്ല.
നാടിന്റെ മുഖച്ഛായ മാറ്റിയ കിഫ്ബി, കുടുംബശ്രീ തുടങ്ങിയ ജനകീയ പദ്ധതികളെക്കുറിച്ച് നയപ്രഖ്യാപനത്തിൽ സർക്കാർ പൂർണ്ണ മൗനം പാലിക്കുകയാണെന്നും പിണറായി വിജയൻ വാർത്താസമ്മേളനത്തിൽ പറഞ്ഞു.
