തിരുവനന്തപുരം : നിയമസഭാ തിരഞ്ഞെടുപ്പിന് ശേഷമുള്ള രാഷ്ട്രീയ സാഹചര്യങ്ങളും വോട്ട് കണക്കുകളും വിലയിരുത്തുന്നതിനായി സിപിഎം സംസ്ഥാന സെക്രട്ടറിയേറ്റ് യോഗം ഇന്ന് തിരുവനന്തപുരത്ത് ചേരും. ബൂത്ത് തലത്തിൽ നിന്ന് ജില്ലാ കമ്മിറ്റികൾ വഴി ശേഖരിച്ച വിശദമായ റിപ്പോർട്ടുകളാണ് യോഗം പ്രധാനമായും ചർച്ച ചെയ്യുന്നത്.
ഓരോ മണ്ഡലത്തിലെയും പാർട്ടി വോട്ടുകളിലും നിഷ്പക്ഷ വോട്ടുകളിലും ഉണ്ടായ മാറ്റങ്ങൾ യോഗം വിശകലനം ചെയ്യും. മലബാർ മേഖലയിൽ ന്യൂനപക്ഷ വോട്ടുകൾ യുഡിഎഫിലേക്ക് കേന്ദ്രീകരിച്ചിട്ടുണ്ടോ എന്ന കാര്യത്തിൽ ഗൗരവമായ ചർച്ചകൾ നടന്നേക്കും. സംസ്ഥാനത്ത് എവിടെയെങ്കിലും വർഗീയ വോട്ടുകളുടെ ഏകീകരണം നടന്നോ എന്നും യോഗം പരിശോധിക്കും.
ജി സുധാകരൻ മത്സരരംഗത്തില്ലാതിരുന്നത് വോട്ടുകളെ ബാധിച്ചോ എന്നും പാർട്ടി വോട്ടുകളിൽ ചോർച്ചയുണ്ടായോ എന്നും പരിശോധിക്കും. ടികെ ഗോവിന്ദൻ മത്സരിച്ച ഈ മണ്ഡലത്തിലെ സാഹചര്യങ്ങളും വോട്ടിംഗ് നിലയും റിപ്പോർട്ടിൽ ഉൾപ്പെടും. ഈ മണ്ഡലങ്ങളിൽ വ്യക്തിപ്രഭാവം വോട്ടുകളെ സ്വാധീനിച്ചിട്ടുണ്ടോ എന്ന കാര്യത്തിൽ വിശദമായ അന്വേഷണം ഉണ്ടാകുമെന്നാണ് സൂചന.
