തിരുവനന്തപുരം: തിരുവനന്തപുരം: കോൺഗ്രസ് എം.എൽ.എ. രാഹുൽ മാങ്കൂട്ടത്തിനെതിരായ ബലാത്സംഗക്കേസിൽ അന്വേഷണം നിർണ്ണായക ഘട്ടത്തിലേക്ക്. കേസിൽ ഇന്ന് മുതൽ സാക്ഷിമൊഴികൾ രേഖപ്പെടുത്തി തുടങ്ങും. അതേസമയം, കേസിൽ പ്രതിയാക്കപ്പെട്ട രാഹുൽ മാങ്കൂട്ടത്തിൽ ഇപ്പോഴും ഒളിവിൽ തുടരുകയാണ്.ഗർഭഛിദ്ര ഗുളിക കഴിച്ചതിനെ തുടർന്ന് ശാരീരിക ബുദ്ധിമുട്ടുകൾ നേരിട്ട യുവതിയെ ചികിത്സിച്ച ഡോക്ടറുടെ മൊഴിയാണ് ഇന്ന് ആദ്യം രേഖപ്പെടുത്തുക.
യുവതിയുടെ സുഹൃത്തുക്കളുടെ മൊഴിയും ഇന്ന് അന്വേഷണസംഘം രേഖപ്പെടുത്തും.കേസുമായി ബന്ധപ്പെട്ട് പരാതിക്കാരിയുടെ രഹസ്യമൊഴിയും വൈദ്യപരിശോധനയും ഇന്നലെ പൂർത്തിയാക്കിയിരുന്നു.രാഹുൽ മാങ്കൂട്ടത്തിൽ നൽകിയ മുൻകൂർ ജാമ്യാപേക്ഷ തിരുവനന്തപുരം ജില്ലാ സെഷൻസ് കോടതി തിങ്കളാഴ്ചയാണ് പരിഗണിക്കുക. ഹർജിയിൽ രാഹുൽ ഉന്നയിക്കുന്ന പ്രധാന വാദങ്ങൾ,പരാതിക്കാരിയായ യുവതിയുമായി തനിക്ക് ദീർഘകാലത്തെ സൗഹൃദബന്ധം ഉണ്ടായിരുന്നു.
ബലാത്സംഗം ചെയ്യുകയോ ഗർഭഛിദ്രത്തിന് നിർബന്ധിക്കുകയോ ചെയ്തിട്ടില്ല. പീഡനാരോപണങ്ങൾ കെട്ടിച്ചമച്ചതാണ്.പോലീസിന്റെ അതിവേഗത്തിലുള്ള നീക്കത്തിന് പിന്നിൽ രാഷ്ട്രീയ ലക്ഷ്യങ്ങളുണ്ട്.അന്വേഷണവുമായി സഹകരിക്കാൻ താൻ തയ്യാറാണ്.നിലവിൽ, ഒളിവിൽ കഴിയുന്ന രാഹുൽ മാങ്കൂട്ടത്തിലിനായുള്ള തിരച്ചിൽ പോലീസ് ശക്തമാക്കിയിട്ടുണ്ട്. കോടതിയുടെ തിങ്കളാഴ്ചത്തെ തീരുമാനം കേസിൽ നിർണ്ണായകമാകും.
