ഇന്ത്യ ലോകകപ്പ് നേടിയതിന് പിന്നാലെ ഐ.സി.സി. പ്രഖ്യാപിച്ച ലോകകപ്പ് ടീം ഓഫ് ദി ടൂർണമെൻ്റ് ചർച്ചയാകുന്നു. ക്യാപ്റ്റൻ ഹർമൻപ്രീത് കൗറിനെ ഒഴിവാക്കി, ടൂർണമെൻ്റിൽ 571 റൺസടിച്ച ദക്ഷിണാഫ്രിക്കൻ താരം ലോറ വോൾവാർഡിനെ നായികയായി തിരഞ്ഞെടുത്തു. സ്മൃതി മന്ദാന, ജമീമ റോഡ്രിഗസ്, ദീപ്തി ശർമ്മ എന്നിവരാണ് ടീമിൽ ഇടം നേടിയ ഇന്ത്യൻ താരങ്ങൾ. ടൂർണമെൻ്റിലെ പ്രകടന മികവ് മാത്രം പരിഗണിച്ച ഈ തിരഞ്ഞെടുപ്പിൽ 22 വിക്കറ്റെടുത്ത ദീപ്തിയുടെ ഓൾറൗണ്ട് പ്രകടനം ശ്രദ്ധേയമായി.
