ആലപ്പുഴ ജില്ലയിലെ ചേർത്തല റെയിൽവേ സ്റ്റേഷന് സമീപമുള്ള കുറ്റിക്കാട്ടിൽ നിന്നും മാസങ്ങൾ പഴക്കമുള്ള മനുഷ്യൻ്റെ മൃതദേഹാവശിഷ്ടങ്ങൾ കണ്ടെത്തി. മാലിന്യം തള്ളിയിരുന്ന സ്ഥലത്ത് ലോറി ഡ്രൈവറാണ് അസ്ഥികൂടം കണ്ടത്. തലയോട്ടി ഉൾപ്പെടെയുള്ള എല്ലുകൾ വേർപെട്ട നിലയിലാണ്. സമീപത്ത് നിന്ന് കണ്ടെത്തിയ ചെരിപ്പുകൾ കേന്ദ്രീകരിച്ച് പോലീസ് അന്വേഷണം ഊർജ്ജിതമാക്കി. സിസിടിവി ഇല്ലാത്തത് അന്വേഷണത്തിന് വെല്ലുവിളിയാകുമ്പോൾ, കാണാതായവരുടെ പട്ടികയെടുത്താണ് പോലീസ് ദുരൂഹത നീക്കാൻ ശ്രമിക്കുന്നത്.
