ഏഷ്യാ കപ്പ് 2023 ഫൈനലിൽ പാകിസ്താനെ തകർത്ത് കിരീടം നേടിയതിന് പിന്നാലെ ഇന്ത്യൻ ടീം ട്രോഫി സ്വീകരിക്കാൻ വിസമ്മതിച്ചത് വൻ വിവാദത്തിലേക്ക്. ഏഷ്യൻ ക്രിക്കറ്റ് കൗൺസിൽ (ACC) ചെയർമാനും പാകിസ്താൻ ക്രിക്കറ്റ് ബോർഡ് (PCB) ചെയർമാനുമായ മൊഹ്‌സിൻ നഖ്‌വിയിൽ നിന്ന് ട്രോഫി സ്വീകരിക്കാൻ ഇന്ത്യ വിസമ്മതിച്ചതാണ് തർക്കങ്ങൾക്ക് വഴിവെച്ചത്. ഈ വിഷയത്തിൽ, പാകിസ്താന്റെ മുൻ ക്രിക്കറ്റ് താരം ബാസിത് അലി ഇന്ത്യൻ ടീമിന്റെ നടപടിയെ കടുത്ത ഭാഷയിൽ വിമർശിച്ചു. കളിക്കളത്തിലെ ഇന്ത്യയുടെ ഒന്നാം സ്ഥാനം ചോദ്യം ചെയ്യുന്നതല്ലെന്നും എന്നാൽ ഈ പ്രവർത്തി ‘മൂന്നാംകിട’ ആണെന്നും ബാസിത് അലി അഭിപ്രായപ്പെട്ടു. ഇത് അന്താരാഷ്ട്ര ക്രിക്കറ്റിൽ പുതിയ രാഷ്ട്രീയ-കായിക തർക്കങ്ങൾക്ക് വഴിമരുന്നിട്ടിരിക്കുകയാണ്.
