കാസർകോട് : രാജസ്ഥാനിൽ നടന്ന വാഹനാപകടത്തിൽ പ്രധാനമന്ത്രി നരേന്ദ്ര മോദിയുടെ പ്രത്യേക സുരക്ഷാ സേനയിലെ (എസ്.പി.ജി.) അംഗമായ ഷിൻസ് മോൻ തലച്ചിറ (45) മരിച്ചു. കാസർകോട് ചിറ്റാരിക്കൽ സ്വദേശിയാണ് ഇദ്ദേഹം. കഴിഞ്ഞ 23 വർഷമായി ഷിൻസ് മോൻ എസ്.പി.ജി.യിൽ സേവനമനുഷ്ഠിച്ചുവരികയായിരുന്നു.ചിറ്റാരിക്കൽ മണ്ഡപത്തെ മാണിക്കുട്ടിയുടെയും ഗ്രേസി കുട്ടിയുടെയും മകനാണ് ഷിൻസ് മോൻ. ഉദയഗിരിയിലെ നഴ്സായ ജെസ്മിയാണ് ഭാര്യ. ഫിയോണ, ഫെബിൻ എന്നിവരാണ് മക്കൾ. വെള്ളിയാഴ്ച മൃതദേഹം നാട്ടിലെത്തിക്കും
