ബംഗളൂരു : കേരളത്തിലേക്ക് അനുവദിച്ച സ്‌പെഷൽ ട്രെയിൻ സർവീസുകൾ ഡിസംബർവരെ നീട്ടാൻ ദക്ഷിണ-പശ്ചിമ റെയിൽവെ തീരുമാനിച്ചു . ബംഗളൂരുവിൽനിന്ന് തിരുവനന്തപുരത്തേക്ക് അനുവദിച്ച മൂന്ന് പ്രതിവാര സർവീസുകളാണ് നീട്ടുന്നത്. എസ്എംവിടി ബെംഗളൂരു-തിരുവനന്തപുരം നോർത്ത് വീക്കിലി എക്‌സ്പ്രസാണ്(0655) ഒക്ടോബർ മൂന്നുവരെയാണ് നേരത്തേ അനുവദിച്ചത്.
ഇത് ഡിസംബർ 26 വരെയാക്കി നീട്ടി. സെപ്റ്റംബർ 28 വരെ അനുവദിച്ച തിരുവനന്തപുരം നോർത്ത്-എസ്എംവിടി ബംഗളൂരു വീക്കിലി എക്‌സ്പ്രസ് സ്‌പെഷ്യൽ ഡിസംബർ 28 വരെ നീട്ടി. സെപ്റ്റംബർ 15 വരെ എസ്എംവിടി ബെംഗളൂരു-തിരുവനന്തപുരം നോർത്ത് വീക്കിലി എക്‌സ്പ്രസ്(06523) ഡിസംബർ 29 വരെ സർവീസ് നടത്തും.
തിരുവനന്തപുരം നോർത്ത്-എസ്എംവിടി ബംഗളൂരു വീക്കിലി എക്‌സ്പ്രസ്(06524) ഡിസംബർ 30 വരെയും നീട്ടിയിട്ടുണ്ട്. എസ്എംവിടി ബംഗളൂരു-തിരുവനന്തപുരം നോർത്ത് വീക്കിലി എക്‌സ്പ്രസ് സ്‌പെഷ്യൽ(06547)ആണ് നീട്ടിയ മൂന്നാമത്തെ വണ്ടി. സെപ്റ്റംബർ മൂന്നുവരെ അനുവദിച്ച വണ്ടി ഡിസംബർ 24 വരെയാക്കി.
തിരിച്ചുള്ള തിരുവനന്തപുരം നോർത്ത്-എസ്എംവിടി ബംഗളൂരു വീക്കിലി എക്‌സ്പ്രസ് സ്‌പെഷ്യൽ(06548) സെപ്റ്റംബർ നാലുവരെയായിരുന്നു അനുവദിച്ചത്. ഇത് ഡിസംബർ 25 വരെയാക്കി. ട്രെയിനുകളുടെ സമയക്രമം, സ്റ്റോപ്പുകൾ, ബോഗികളുടെ ക്രമം എന്നിവയിൽ മാറ്റങ്ങളുണ്ടായിരിക്കുന്നതല്ലെന്ന് റെയിൽവേ അറിയിച്ചു.
