കാസർകോട്: ഡേറ്റിംഗ് ആപ്പ് വഴി പരിചയപ്പെട്ട 14-കാരനെ പീഡിപ്പിച്ച സംഭവത്തിൽ 14 പേർക്കെതിരെ പോക്സോ കേസ് രജിസ്റ്റർ ചെയ്തു. കാസർകോട്, കണ്ണൂർ, കോഴിക്കോട് ജില്ലകളിൽ നിന്നുള്ളവരാണ് പ്രതികൾ. കേസിൽ ഇതുവരെ ആറ് പേർ അറസ്റ്റിലായിട്ടുണ്ട്. നാല് ഇൻസ്പെക്ടർമാരുടെ നേതൃത്വത്തിലുള്ള പ്രത്യേക അന്വേഷണ സംഘമാണ് കേസ് അന്വേഷിക്കുന്നത്.
കഴിഞ്ഞ രണ്ട് വർഷമായി കുട്ടി പീഡനത്തിന് ഇരയായി എന്നാണ് വിവരം. കാസർകോട് ജില്ലയിൽ മാത്രം എട്ട് കേസുകളാണ് രജിസ്റ്റർ ചെയ്തിട്ടുള്ളത്. പീഡനം നടന്നത് ജില്ലയ്ക്ക് അകത്തും പുറത്തുമായിട്ടാണ്. പീഡനത്തിന് ശേഷം പ്രതികൾ കുട്ടിക്കു പണം നൽകിയിരുന്നതായും അന്വേഷണത്തിൽ കണ്ടെത്തിയിട്ടുണ്ട്.
