ദോഹ : ഖത്തറിൽ ഇടിമിന്നലോട് കൂടിയ മഴയ്ക്ക് സാധ്യതയുണ്ടെന്ന് ഖത്തർ കാലാവസ്ഥാ വകുപ്പ്. അടുത്ത ദിവസങ്ങളിൽ ആകാശം മേഘാവൃതമായിരിക്കുമെന്നും ചില പ്രദേശങ്ങളിൽ ഇടയ്ക്കിടെ മഴ ലഭിക്കുമെന്നും മുന്നറിയിപ്പിൽ പറയുന്നു. പകൽ സമയത്ത് ശക്തമായ കാറ്റിനും സാധ്യതയുണ്ട്.
കനത്ത കാറ്റിനെത്തുടർന്ന് നേരിയ തോതിൽ പൊടിക്കാറ്റ് വീശാനും സാധ്യതയുണ്ടെന്ന് കാലാവസ്ഥാ മുന്നറിയിപ്പ് നൽകിയിട്ടുണ്ട്. അതേസമയം ശനിയാഴ്ച പകൽ കൂടിയ താപനില 38 ഡിഗ്രി സെൽഷ്യസും കുറഞ്ഞ താപനില 27 ഡിഗ്രി സെൽഷ്യസുമാണ് രേഖപ്പെടുത്തിയത്. മിക്കയിടങ്ങളിലും കനത്ത കാറ്റിനെ തുടർന്ന് പൊടിപടലങ്ങൾ ഉയർന്നിരുന്നു.
