ആലപ്പുഴ : ഹൗസ് ബോട്ടിന് തീപിടിച്ചു. ആലപ്പുഴ ചിത്തിര കായലിലാണ് സംഭവം. ഇന്ന് ഉച്ചയോടെ ഉണ്ടായ അപകടത്തിൽ ആളപായമില്ല. കുമരകത്തെ റിസോർട്ടിൽ നിന്നുള്ള യാത്രക്കാരാണ് ബോട്ടിലുണ്ടായിരുന്നത്.
പുക ഉയരുന്നത് കണ്ട് ഉടൻ തന്നെ യാത്രക്കാരെ കരയിലേക്ക് മാറ്റിയതിനാൽ വലിയ ദുരന്തം ഒഴിവായി. യാത്രക്കാരെ ഇറക്കിയതിന് ശേഷമാണ് ബോട്ടിൽ തീ പടർന്നത്. ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം.
