തിരുവനന്തപുരം : അമീബിക് എൻസെഫലൈറ്റിസ് ബാധയെക്കുറിച്ച് അന്വേഷിക്കാൻ ഡോ. അനൂപിൻ്റെ നേതൃത്വത്തിലുള്ള ഇന്ത്യൻ കൗൺസിൽ ഓഫ് മെഡിക്കൽ റിസർച്ചിലെ (ഐസിഎംആർ) വിദഗ്ധ സംഘം സംസ്ഥാനത്ത് എത്തും. ഈ സംഘം രോഗവുമായി ബന്ധപ്പെട്ട മെഡിക്കൽ രേഖകളുടെ സമഗ്രമായ വിശകലനം നടത്തും. ആഗസ്ത് 27 ന് മെഡിക്കല്‍ വിദ്യാഭ്യാസ വകുപ്പിലെയും ആരോഗ്യവകുപ്പിലെയും ഡോക്ടർമാരുടെ യോഗത്തിൽ റിപ്പോർട്ടുകള്‍ വിശകലനം ചെയ്യും. ഏതൊക്കെ മേഖലകളിലാണ് പരിശോധന വേണ്ടതെന്ന കാര്യത്തില്‍ ഇതിന് ശേഷമാകും തീരുമാനം എടുക്കുക. സംസ്ഥാന ആരോഗ്യ വകുപ്പ് അഡീഷണല്‍ ചീഫ് സെക്രട്ടറി രാജൻ ഖോബ്രഗഡേയാണ് സംസ്ഥാനത്ത് മുതിർന്നവരില്‍ രോഗം സ്ഥിരീകരിക്കപ്പെട്ട സാഹചര്യം കാരണം പഠനം നടത്തണമെന്ന് ആവശ്യപ്പെട്ട് കേന്ദ്രത്തിന് കത്തു നല്‍കിയത്.
ICMR ടീമിൻ്റെ സന്ദർശനത്തിൽ ഇതുവരെ 16 കേസുകൾ റിപ്പോർട്ട് ചെയ്തിട്ടുണ്ട്. തലസ്ഥാനത്ത് മാത്രം ഏഴ് കേസുകളാണ് സാധാരണയായി കുട്ടികളെ ബാധിക്കുന്നത്. തലസ്ഥാനത്ത് സ്ഥിരീകരിക്കപ്പെട്ട രോഗത്തിന്റെ ഉറവിടം എവിടെ നിന്നാണെന്ന് വ്യക്തമല്ലാതെ തുടരുന്നതിനാലും കുട്ടികളില്‍ മാത്രം കണ്ടുവരുന്ന ഈ രോഗം മുതിർന്നവരില്‍ റിപ്പോർട്ട് ചെയ്യപ്പെട്ടതും ആശങ്കയ്‌ക്ക് വഴി വച്ചിട്ടുണ്ട്. ആകെ ഏഴു പേർക്കാണ് തലസ്ഥാനത്ത് രോഗം സ്ഥിരീകരിക്കപ്പെട്ടിട്ടുള്ളത്. പരിശോധന ഫലം നെഗറ്റീവ് ആയ രണ്ടുപേരില്‍ രോഗത്തിന്റെ ലക്ഷണങ്ങള്‍ നിലനില്‍ക്കുന്നതിനാല്‍ അവർ ആശുപത്രിയില്‍ തന്നെ തുടരുകയാണ്. ഇവർക്ക് ചികിത്സ നല്‍കുന്നുണ്ട്.
