കൊല്ക്കത്ത: നഗരത്തിൽ ഒരു നിയമവിദ്യാർത്ഥിനിയെ കൂട്ടബലാത്സംഗത്തിനിരയാക്കി. സംഭവത്തിൽ പോലീസ് അന്വേഷണം ആരംഭിച്ചു.മൂന്നുപേരെ സംഭവവുമായി ബന്ധപ്പെട്ട് പൊലീസ് പിടികൂടി. പ്രതികളില് രണ്ടുപേര് ലോ കോളേജിലെ വിദ്യാര്ത്ഥികളും ഒരാള് പൂര്വ വിദ്യാര്ത്ഥിയുമാണ്.
ജൂണ് 25-ന് രാത്രി 7.30 നും 10.50 -നും ഇടയിലാണ് ദാരുണ സംഭവമുണ്ടായതെന്ന് പൊലീസ് പറഞ്ഞു. അതിജീവിതയായ പെണ്കുട്ടി നല്കിയ പരാതിയില് കസ്ബ പൊലീസ് എഫ് ഐആര് രജിസ്റ്റര് ചെയ്ത് അന്വേഷണം ആരംഭിച്ചു. കോളേജിൻ്റെ മുന് യൂണിറ്റ് പ്രസിഡന്റായ മന്ജോഹിത് മിശ്ര (31), ബെയ്ബ് അഹമ്മദ് (19), പ്രമിത് മുഖോപാധ്യായ (20) എന്നിവരെയാണ് പൊലീസ് അറസ്റ്റ് ചെയ്തത്. കോളേജ് കെട്ടിടത്തിനുളളില്വെച്ചാണ് പെണ്കുട്ടി ക്രൂര ബലാത്സംഗത്തിന് ഇരയായത്.
